Delànet è dromit fatau. Á. m’auie demanat un entrepan mixte e un cafè aguest maitin, mès m’è desvelhat entàs 11 perqué enquias 5 non podia pas dromir.

Peth dusau dia consecutiu, me trapi en 60kg. Eth darrèr viatge qu’è pesat tan pòc siguec en 2023.

En tot desdejoar, è responut as messatges en fòrum d’ua assignatura ena que hèsqui tasques docents. Dempús, è passat peth super entà préner un cafè entà Á. e è anat entath gimnàs. Auem charrat ua estoneta mentre netejaue e dempús, auem entrenat cama e auem hèt un shinhau de jiu-jitsu. Aué tot trèt der curl femorau m’a costat molt. E non sai se a causa dera net mau dromida, tanben me sentia fòrça reactiu as tòcs.

Á. e jo auem anat a dinar en H. O millor dit, aumens jo òc que i è dinat. Eth, en cambi, s’a passat tota era estona baralhant-se damb M. e fin finau a demanat era sua amborgesa entà emportar.

Á. non se trobaue guaire ben, alavetz è passat era tarda damb eth. Entà díder era vertat, jo tampòc me sentia guaire ben. Auem passat peth gimnàs entà préner era mia mochilha (la i auia deishat en gimnàs perqué pensaua de tornar-i dempús dinar) e per casa mia entà préner eth portatiu. De camin tà Camarma, auem passat per ua floristeria perqué li volie crompar un regal entà M. Mentre Á. jogaue ara consola, è apraiat un bug en blòg e trebalhat un shinhau. Á. a minjat era sua amborgesa, mès a deishat es truhes. Me les è minjat jo pr’amor qu’auia gana.

Á. m’a deishat en casa entàs 8:30. En coche, com que lo notaua un shinhau tens, è sajat de seguir-le eth ròlho e animar-le entà que non pensasse tant ena convèrsa qu’anaue a auer damb era sua nòvia. Com que ja auia prenut pro idrats de carbon, è fregit uns filets de trinquet de pòrc entà sopar e m’è premanit entara classa de bamun.