Anoche medio embuenamente yo ya dormi. Ya’n bangugot yo na ya besa conmigo si As. Yuck!

Este aga, man gym era yo con Á. a las 9, pero ya’n message 'le conmigo a las 7:30 y ya habla 'le kay ta duele gad el de suyo barriga. So na ulihi ya dormi yo hasta maga a las 10:30.

Aquel ta sale yo para na gym, ya’n bilib yo kay blanco el maga pono ya maga zacate na courtyard. Dol ya cae nieve enante’ aga o anoche, no sabe gad yo. Masquin mediodia ya y alto ya el sol, no hay lang siempre 'se derreti.

Ya vesti yo uno na maga compression shirt pati shorts ya dale conmigo el nana de Á. Ayer ya’n skip yo leg day, 'cabar cerrao pa el gym mañana kasi holiday. Por eso, ya hace anay yo maga compound exercises (squats, DL, RDL) pati calf raises na leg press machine, 'cabar ya aumenta yo adductors, abductors, leg extensions, leg curls pati cuantos standing calf raise sets. In short, no hay yo hace double workout, pero halos. 'Cabar, no hay mas yo sale na casa kay bien alboroto gad afuera por causa na Cabalgata de Reyes.

Ya puede yo encontra de mio daan Sena notes. 'Cabar, ya puede yo saca dictionary, so ya busca tambien yo maestro de Sena na P. Ya puede yo encontra cuantos maestro de Sena pati uno lang de Ndau. Ahora ta’n duda yo si debe ba yo aprende ole Sena, or proba ya lang yo aprende Ndau. Tiene daw tambien Changana course principia February. Haaaaay, tormento decidi…